歡迎! | 简体 | 繁體

11/24/2007

今日嘅工作

今早開完平日彌撒,食完早餐睇完報紙,九點出去為兩戶聖屋,做完之後十點過海向紅磡出發主持殯葬禮,做完殯葬返到聖堂已經差唔多兩點,食個公仔麵,做少少嘢,三點見一對準備一月結婚嘅做婚前查詢,四點半另一對下星期結婚嘅婚禮綵排,跟住兩個聖母軍支團開會,六點半主持彌撒,彌撒後出去參加海星堂青年會三十五週年慶祝,剛剛返到聖堂,仲未瞓得,............因為要睇波!
 
-
BigEyes 11:42:09 PM | 全文鏈接 | 引用(0)


11/23/2007

請你哋飲茶

睇睇青委網頁嘅 counter ,有十三萬幾人次,唔知係唔係由今年八月五號教區青年節網頁啟動禮嗰日開始計,嘩!都唔少人睇噃!平均每日千幾人!
 
好!大家咁捧場,請你哋飲茶!
 
-
BigEyes 10:04:50 PM | 全文鏈接 | 引用(0)


11/22/2007

音樂主保St. Cecilia 瞻禮

今日係聖女則濟利亞(St. Cecilia)瞻禮,請為所有你認識嘅 Cecilia 祈禱,當然 send 個短訊俾佢哋更開心!以下嘅聖女生平,佢都可能唔知,send 個 email 俾佢睇下!(呢篇聖人資料係我多年前嘅傑作,以後碰啱其他聖人嘅瞻禮我都會放佢哋嘅生平喺度。)

 

音樂主保----聖女則濟利亞St. Cecilia) 

 

則濟利亞早年願意一生奉獻自己,要做一位貞女,以祈禱和工作為教會服務,事奉天主。但正如當時所有父親一樣,則濟利亞的父親為她安排了婚禮。她不願逆父親的意思,但在婚禮慶典完結之後回到房間,她告訴她那未有信仰的丈夫華肋廉,表明她是一位教徒,有護守天使在她旁邊保護她,如果他也相信天主的話,天主也會給他派遣護守天使。華肋廉當然不會相信,但天主竟讓他看見則濟利亞身旁的護守天使,他終於相信了,不單相信了則濟利亞,也相信了天主,後來也成了一位教徒。則濟利亞向華肋廉表明了守貞的意願,他也接受了,兩人於是有夫婦之名,而無夫婦之實,共同過守貞的生活。

 

則濟利亞和丈夫兩人最後都因為堅持自己的信仰而致命,聖女則濟利亞更加是早期教會最著名的殉道聖人之一。傳說她有一回要受斬首之刑,行刑者在她頸上砍了三刀,奇蹟地不單止頭沒有被砍下,她也沒有立即死去。

 

聖女則濟利亞被教會奉為音樂主保,相傳是因為當婚禮舉行時樂師奏樂

,她卻自顧心裏唱歌,讚美天主,當然她並不是想著結婚的事。另一個理由是聖女一生時常滿懷喜樂,頌讚天主。雖然並沒有明言聖女有很好的歌聲或演奏很出色的樂器,但相信她整個生命就是最好的樂曲,最美妙的音樂。所以她的聖相通常是聖女正在彈奏鋼琴或豎琴;很多堂區的歌詠團也以則濟利亞為名。

-
BigEyes 8:05:25 PM | 全文鏈接 | 引用(0)


11/21/2007

為已亡教區神父獻彌撒

今日係三三三(每月第三個星期三下午三點),我哋教區國籍司鐸每月聚會嘅日子,而通常每年十一月煉靈月,我哋都會一齊喺跑馬地墳場為已亡教區神父舉行追思彌撒,今年當然唔例外。我每年一定會出席,因為覺得為前輩獻彌撒好有意思,我第日都需要後輩為我做同樣嘅事!
 
近呢幾十年,平均每年一個教區神父收工,翻看教區神父資料,比我早升神父而又仲未收工嘅有50個,比我遲升神父嘅有二十個,.................嘩!.................如果升神父先嘅收工先嘅話,我照計應該仲有五十年做!到嗰陣我唔係成百歲?唔好喇掛!
-
BigEyes 7:36:17 PM | 全文鏈接 | 引用(0)


11/20/2007

好句!好句!

Little faith brings the soul to heaven, where great faith brings heaven into the soul.
-
BigEyes 11:42:53 PM | 全文鏈接 | 引用(0)


11/19/2007

God's Way of Smiling

-
BigEyes 4:12:51 PM | 全文鏈接 | 引用(0)
回覆文章
哈哈哈哈…一見到你呢幅圖,真係即刻由心嗰度笑出嚟.... -- bigmouth


11/18/2007

快啲去投票!

你投咗票未?如果未投快啲去!
 
如果你唔投,第日啲區議員做得唔好你唔好出聲,你無資格批評!因為可能因為你唔投票,使到一啲唔應該當選嘅當選咗!如果你嗰區兩個都衰嘅,選個無咁衰嘅;如果兩個都好嘅,選個好啲嘅!
 
啲人問我投咗邊個,我梗係唔講喇!再問,我就答我投咗「江自盡」。佢仲問:「乜有個叫江自盡嘅咩?」我答:「係呀!有個叫江自盡架!」我投「江自盡」!
-
BigEyes 8:09:00 PM | 全文鏈接 | 引用(0)
回覆文章
教友:「神父,我差D跟你投『江自盡』啦!因為我老.... -- paladinoflab


11/17/2007

隻狗都祈禱!你呢?

-
BigEyes 10:42:25 PM | 全文鏈接 | 引用(0)


下一頁,上一頁,第1,..,75,76,77,78,79,80,81

所有文章

返回頁頂

Powered by Misslog 1.2 | Design by BlueYr