口大食四方

口大食四方 -眼看四方

  



9/30/2009 [::眼看四方::]


你願當菲律賓貧窮兄弟姊妹的「撒瑪黎雅人」嗎?


雖然早兩日,颱風「凱薩娜」已經同香港擦身而過,但係佢為東南亞幾個國家帶嚟人命傷亡:「凱薩娜襲柬埔寨8死」(9月30日)、「凱薩娜在越南造成23人死」(9月29日)、「凱薩娜襲菲已造成100死32失蹤」(9月28日)……
 


(轉載自《AP Images》網頁)

 
我哋雖然出唔到力,但係都可以出到些少錢嘅。有天主教嘅團體,已經發起一啲募捐嘅行動,希望可以盡快籌到啲錢,幫助有需要嘅兄弟姊妹。
 
以下係其中正委嘅訊息:
 

正委(香港天主教正義和平委員會)訊息撮要

 

菲律賓日前受到颱風的侵襲,傷亡慘重,而首都馬尼拉和附近幾個城市均被宣佈成為災區。雖然媒體並沒有作詳細報導,但我們相信,那些居住於垃圾山的貧民,靠執拾垃圾的小朋友,生活將會更加困難。最新消息指出,至少有六千個居住於垃圾山的家庭受到影響。

我們無法想像在颱風和暴雨過後,垃圾山的情況會變得如何的更不堪。因此希望透過這小小的呼籲,為這些家庭和孩子,施予援助。
……

此時此刻,你願當菲律賓貧窮兄弟姊妹的「撒瑪黎雅人」嗎?

……

請將捐款交到「香港天主教正義和平委員會」(郵寄地址:香港西灣河大石街一號,李宏基牧民中心,三零二室。支票抬頭:香港天主教正義和平委員會)或存款至正委於匯豐銀行戶口:082-013533-001(存款後請以電話(2560 3865)或電郵 hkjp@hkjp.org 通知我們),我們會直接把錢交到協助都市貧窮戶的組織 KADAMAY 的手上。我們目前雖然沒有收到他們的捐款要求,但亦讓我們主動為他們獻上愛心與關懷,與他們共渡難關。


 
除咗捐錢,唔好唔記得我哋為佢哋祈禱,都係好緊要架。


閱讀詳細內容...

-




9/22/2009 [::眼看四方::]


大自然媽媽的哭泣


唔知大家知唔知今日係「國際無車日」(9月22日),連特首都行路去聖堂同返工,其實係想提醒大家,要協助減少溫室氣體排放,緩減全球暖化嘅速度。
 
咁啱今日,喺網上睇到一幅關於環保,而且都幾「驚嚇」嘅冰川倒塌相片,嗰幅相片係由一位環境學講師 Michael 影到嘅。Michael 係喺挪威近北極嘅 Austfonna 冰蓋 (ice-cap/ice-shelf) 考察,發現冰川崩塌嘅時候,顯現咗一個好似喊緊嘅樣,呢個樣被《每日郵報》稱為「大自然媽媽的哭泣」(Tears of Mother Nature)。


(轉載自《每日郵報》網頁)

呢個冰川梗係冇因為 Michael 影呢幅相而停止崩塌啦,而呢個「大自然媽媽的哭泣」最後都淚流成河,完全崩塌入大海。

有研究話,全球變暖已經逆轉咗北極嘅自然冷卻趨勢,而且北極地區家吓嘅溫度,係近2000年以嚟最高嘅水準。

咁我哋作為教友,除咗參與吓「無車日」呢啲活動、留意吓啲有關環保嘅新聞、做吓啲環保措施之外,仲有乜嘢可以做呢?

有一樣嘢,我哋一定可以做嘅,就係祈禱、守齋!

喺8月15日(聖母升天節)開始,香港信仰探討中心嘅「天主教綠識傳人」發起咗一個祈禱運動,係為12月7 - 18日喺丹麥首都哥本哈根舉行嘅「氣候變遷國際會議」而祈禱。喺個祈禱運動嘅禱文當中,提醒我哋教友要醒覺,去感謝、欣賞、愛護同尊重天主嘅創造,並且向天主、人同大地道歉,承認自己破壞大自然,祈願每個國家同人都願意出力,負起責任,減低排放溫室氣體。

大家除咗祈禱之外,同時可以考慮每個星期五守齋,包括食素、唔飲酒或者汽水。信仰探討中心主任鄭生來神父仲話:「食素守齋對身體有益又環保。」

除咗祈禱、守齋之外,佢哋仲喺10月11日,攪咗個千人「宗教與環保」綠識論壇添。不如大家一齊去聽吓睇吓,宗教同環保有幾密切嘅關係啦。


閱讀詳細內容...

-




6/16/2009 [::眼看四方::]


乜嘢係青年牧民?

做咗青年牧民十年有多,不時都會有人問:你做乜架?

做咗青年牧民十年有多,不時都會有人問:你做乜架?
 
我有時會話:我喺教會度做青年工作嘅。
我有時會講:我哋同啲青年一齊,做信仰嘅培育。
又有時會答:我會同啲聖堂嘅青年領袖聯絡吓,同佢哋做吓培育、諗吓自己嘅信仰。
 
咁之後就會有人問:係咪即係社工咁呀?
 
我就會澄清:我哋係做緊教會嘅「青年牧民」
 
咁人哋有時會話:哦,「青年『木紋』」……乜嘢嚟架?
 
係呢,究竟「青年牧民」係乜嘢嚟嘅?
 
我哋青委嘅「青年牧民課程」有教:
.「青年牧民」係教會嘅行動,回應青年需要
.「青年牧民」係喺聖神推動下,同青年一齊,實踐基督徒使命
.「青年牧民」係喺特定嘅時空,回應現況,實現天主嘅救世計劃
 
咁有啲人都仲係會問:你講到咁深嘅!簡單啲嚟講,咁究竟乜嘢係青年牧民啫?
 
……
 
啱啱呢排,因為正生書院遷校「風波」,攪到好多人留意。咁啱睇到網上有人流傳《壹週刊》嘅一篇專欄,訪問咗正生書院嘅校長陳兆焯先生。一口氣由頭睇到尾,睇到陳校長為佢嘅學生盡心盡力,陪同佢哋成長,令佢哋有改變自己嘅勇氣同能力,覺得好感動。
 
咁陳校長做緊嘅係咪就係「青年牧民」,你自己搵答案啦!
 
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
 
原文:《壹週刊》「非常人語」專欄
因 衛 詩 之 名 - 陳 兆 焯


他 說 今 日 年 輕 人 沒 仰 慕 對 象 : 「 歌 星 、 明 星 , 太 過 遙 遠 。 」
他 的 仰 幕 對 象 ? 「 父 親 。 父 親 前 衞 , 五 六 年 已 做 『 得 哥 』 ( 結 紮 手 術 ) , 手 術 失 敗 有 了 我 。 為 人 風 趣 , 告 訴 我 揸 坦 克 , 其 實 是 維 修 坦 克 。 」 父 親 九 八 年 離 世 , 母 親 在 他 二 十 七 歲 生 日 ( 八 七 年 ) 撒 手 塵 寰 , 現 在 說 來 , 一 樣 難 過 , 久 久 不 能 言 語 。

衞 詩 、 關 楚 耀 涉 嫌 藏 毒 , 讓 戒 毒 學 校 — — 正 生 書 院 忽 然 紅 起 來 。
學 校 位 於 芝 麻 灣 半 島 下 徑 。
「 我 用 一 個 月 時 間 , 才 沒 暈 船 浪 。 」
搜 購 暈 浪 丸 , 只 找 到 萬 輝 藥 廠 的 出 品 。
「 都 說 是 歷 險 旅 程 。 」
從 五 號 碼 頭 乘 船 到 長 洲 , 由 長 洲 乘 街 渡 到 芝 麻 灣 , 船 夫 說 , 早 前 風 力 八 級 , 開 不 了 船 , 這 天 好 點 , 見 浪 就 不 前 進 , 浪 退 又 再 起 航 , 擾 攘 四 十 五 分 鐘 , 由 中 環 計 起 , 舟 車 勞 頓 兩 個 多 小 時 , 才 到 達 彼 岸 。
「 街 渡 是 載 貨 的 , 不 幸 掉 下 海 , 沒 有 保 險 賠 。 」
市 區 氣 溫 十 三 度 , 新 界 再 低 幾 度 。
「 這 裡 沒 熱 水 , 一 年 四 季 凍 水 浴 。 」
水 是 一 滴 一 滴 掉 下 來 的 , 一 雙 塗 滿 梘 液 的 手 , 洗 十 分 鐘 也 沒 洗 淨 。
「 黃 昏 時 分 , 長 洲 用 水 , 這 裡 就 只 有 『 滴 水 供 應 』 , 但 政 府 要 我 交 水 費 。 」
全 個 小 島 , 只 四 個 廁 所 , 還 是 旱 廁 , 臭 得 要 命 。
但 學 員 生 活 、 學 費 , 每 月 合 共 一 萬 零 六 百 六 十 五 元 , 如 斯 待 遇 ?
校 服 印 着 , 「 school of fish 」 。
「 當 佢 水 魚 , 打 到 佢 瘀 。 」
說 話 的 , 是 四 十 八 歲 的 正 生 書 院 校 長 陳 兆 焯 。


閱讀詳細內容...

-




5/29/2009 [::眼看四方::]


毋忘六四事件,平反八九民運


話說…
「立法會動議辯論毋忘六四事件,平反八九民運的議案……
 辯論期間,會議廳經常僅得約三分一議員在座,當中大部分為泛民主派議員。」
http://hk.news.yahoo.com/article/090527/3/cehu.html

 
 
咁其他三分二議員,去鬼咗邊呢?
 其實佢哋大部份原來仲喺立法會大樓裏面架喎。

咁佢哋做乜唔入去會議廳裏面,同其他議員辯論?
 其實,就冇人做過一個正式嘅調查……
 可能佢哋唔鍾意提起「六四」啦
 又或者佢哋覺得年年辯論「六四」好無聊啦
 又再或者佢哋唔鍾意見到啲議員講「六四」講到喊苦喊忽啦……


閱讀詳細內容...

-




5/11/2009 [::眼看四方::]


會唔會去睇呢?


唔知大家仲記唔記得,兩、三年前,有一齣戲叫《達文西密碼》,令好多人突然間對教會好似好神秘嘅一面或者團體,產生咗與趣。其後,不論係羅馬教延或者香港教區等不同嘅地方教會,都出嚟對呢齣戲,同埋佢嘅原著,作出一啲回應同澄清。最近,同一個作者丹.布朗嘅另一本書《天使與魔鬼》,又被改編成同名電影,唔知大家有乜反應呢?你又會唔會去睇呢?
 
 
美國嘅天主教網頁(Catholic Online - http://www.catholic.org/),就攪咗個網上調查,個網頁講到明預咗有好多教友,都會睇呢齣戲,而且想搵佢哋講吓睇完戲之後嘅感受同意見。個網頁仲鼓勵你,如果你睇完套戲,不妨同其他教友分享吓大家嘅睇法添,不過就唔係評論套戲,而係講吓天主教徒對於電影、電視、書藉、音樂等藝術創作,喺信仰上帶出乜嘢嘅訊息同衝擊。
 
如果你有興趣嘅話,都可以上去佢哋個網頁度睇吓:
http://www.catholic.org/adv/angelsdemons/
-

回覆文章
Fr. Peter Malone(馬龍神父)對《天使與魔鬼》這齣戲作出評論,有興趣嘅話可以去教區視.... -- bigmouth



3/27/2009 [::眼看四方::]


座頭鯨蕩失路

鯨魚可能係俾香港嘅「美色」所迷惑、引誘而「蕩失路」;人會唔會俾很多慾望所包圍、纏繞而唔記得自己嘅終向呢?

我估大部份香港人,都知道有鯨魚訪港,而且仲係喺香港水域第一次見到嘅座頭鯨。其實,座頭鯨嘅好奇心很重,所以有人話呢隻鯨魚可能係俾香港嘅「美色」所迷惑、引誘,令到佢「蕩失路」都不出為奇。
 
      
(訪港座頭鯨,轉載自《明報》)   (座頭鯨躍出水面,轉載自《蘋果日報》資料圖片)
 
我哋教友有時都係咁樣,雖然明知人嘅終向,就係回歸天鄉,但又俾很多慾望所包圍、纏繞,有時更對天主失去信心,而且去做占卜、測星座、睇風水、玩塔羅……


閱讀詳細內容...

-





Powered by Misslog | Design by Kymberlie McGuire


返回頁頂


.: 歡迎!


欄目分類
.: 所有文章
.: 由靈開始
.: 感動一方
.: 眼看四方
.: 耳聽八方
.: 未歸類


最新文章
.: 改邪歸正
.: 點點滴滴的不完美凝聚成我們心中的完美
.: 生命的訊息
.: 你願當菲律賓貧窮兄弟姊妹的「撒瑪黎雅人」嗎?
.: 大自然媽媽的哭泣


最新回覆
.: 大口哥哥 :    .. -- Cece
.: Happy Anniversary! Tha.. -- siuwan
.: Fr. Peter Malone(馬龍神父).. -- bigmouth
.: 大口哥哥, nice to meet you.. -- Cece
.: 係啊~絕對認同!!唔係人人都能夠有呢個福份... -- molly
.: 凡事感恩!yeah!!!!   .. -- bigmouth
.: 我的幸福是由天主所賜予~今後,我會不時將「幸.. -- molly


站內鏈接
.: SuperSunFull
.: 夢.遊人生
.: 眼仔LookLook全球化
.: 青委
.: 大眼眼大大
.: 神樂版
.: SuKit
.: 愛愛愛
.: 細蚊仔說故事
.: 每日根新
.: 蔡家B
.: 雷婆
.: 夜神.嘻哈
.: 口大食四方
.: 劉言版
.: “書” is my Best friend
.: 音樂光子