口大食四方

口大食四方

  



2/26/2010 [::由靈開始::]


改邪歸正

「若惡人遠離他所行的惡事,而遵行法律和正義,必能保全自己的生命,因為他考慮之後,離棄了所行的一切惡事,他必生存,不致喪亡。」(厄則克耳先知書18:27-28)

踏入了四旬期已十天,我是否已經開始「悔改」呢?
 
近來感恩祭的聖經選段,都是圍繞悔改的,就如今天的這一段:「若惡人遠離他所行的惡事,而遵行法律和正義,必能保全自己的生命,因為他考慮之後,離棄了所行的一切惡事,他必生存,不致喪亡。」(厄則克耳先知書18:27-28)
 
這也讓我想起早兩天的聖經:「天主看到他們所行的事,看到他們離開了自己的邪路,遂憐憫他們,不將已宣佈的災禍,降在他們身上。」(約納先知書3:10)
 
通常我們要看到別人「改邪歸正」,才能歡喜地接納他;又或當我們見到別人犯錯,我們第一時間就是阻止他和責罵他。
 
家中有兩個小朋友,較大、約4歲的小新(化名)和較小、約2歲的小葵(化名)。因為小新較好動,因此常常做了一些在成人眼中看來不應該做的「錯事」。早兩天,小新在家裏無所事事,便呆坐在梳化中看電視,而剛吃完「飯仔」的小葵(因為小新和其他家人一齊吃飯,而小葵需人服侍早一點吃),牙牙學語的說要到小檯那邊畫畫。小新不待小葵開始行動,已經突然從梳化,飛快地竄到小檯側邊,準備拿起顏色筆畫畫。這一切看在家人的眼裏,便勒令小新停止行動,並且要罰企,因為家人認為小新要搶先小葵一步,好令小葵不可以畫畫。
 
這都是我們成人的想法,可能我們看在眼裏,事實如此,小朋友的行為也確實如此……但,他背後的動機和原因是什麼呢?或者他在想什麼呢?我們未必有耐性去了解……
 
如果天主寬容地接納人、保全人的生命,為何我們不可以呢?
 
可能要「改邪歸正」的,並非別人,而是自己。
-




10/12/2009 [::感動一方::]


點點滴滴的不完美凝聚成我們心中的完美


今朝有朋友send咗youtube一條片俾我睇,我淨係睇咗個email啲文字,仲未睇youtube個video... 都已經忍唔住,衝咗入厠所…
因為實在太感動嘞!
最深刻嘅一句係:「真正的愛情就是接受你伴侶的不完美!」
我覺得呢個咪就係天主嘅愛!
正確啲講應該話就係愛!就係天主對人嘅愛!
又或者可以話,「不完美」其實只係人嘅說話……為天主嚟講,根本就冇「不完美」,佢見到我哋每一個(佢嘅受造物),看了都認為好!
我一直唔敢睇條片……等到冇晒人先敢睇…如果唔係,驚同事唔知我做乜喺度眼濕濕…
send俾我嘅青年睇完條片,話佢自己雖然未有老婆或者女朋友,但係令佢諗起爸爸媽媽。

係!真嘅,我哋由細到大嘅愛,就係一點一滴由爸爸媽媽嗰度嚟,雖然「不完美」,但係就凝聚成完美。

嘞,呢度就係條片嘅link:
條片原來係新加坡嘅National Family Council拍嘅,放喺Think Family呢個網頁度,分享佢哋對家庭嘅睇法。
 
以下係朋友send俾我原本嗰個email:


閱讀詳細內容...

-




9/30/2009 [::感動一方::]


生命的訊息


今日喺新聞除咗「凱薩娜」,又有另一個新認識嘅名:「薩摩亞」……不過今次唔係颱風,而係受到海嘯影響嘅地方。當地今朝一早,連續發生咗6次強烈嘅海底地震,最強嗰次有8級或以上,有消息話引發嘅巨浪有9米咁高,有啲村莊俾海水沖毀,唔少人被大浪捲走,就連薩摩亞總理嗰條村都死傷嚴重。有人估計暫時至少有300人死亡,除咗當地人之外,亦都有外國遊客。
 


(轉載自《AP Images》網頁)
A main road in the downtown area of Fagatogo, American Samoa is flooded by water on Tuesday, Sept. 29, 2009. A powerful Pacific Ocean earthquake spawned towering tsunami waves that swept ashore on Samoa and American Samoa early Tuesday, flattening villages, killing at least 34 people and leaving dozens of workers missing at devastated National Park Service facilities. (AP Photo/Fili Sagapolutele]

 
今次海嘯令我諗返起04年嘅「南亞海嘯」。喺嗰次海嘯之後,有好多唔同嘅email,有啲係所謂催吉避凶嘅「預言」,有啲仲要係由教會嘅兄弟姊妹send嚟嘅。我幾乎所有呢啲email都冇理,唯獨有一封,令到我覺得好感動,封email嘅題目係「生命的訊息」……然後我仲將封email forward咗去俾我一啲朋友。
 
以下就係當時send俾朋友嗰封email。


閱讀詳細內容...

-




9/30/2009 [::眼看四方::]


你願當菲律賓貧窮兄弟姊妹的「撒瑪黎雅人」嗎?


雖然早兩日,颱風「凱薩娜」已經同香港擦身而過,但係佢為東南亞幾個國家帶嚟人命傷亡:「凱薩娜襲柬埔寨8死」(9月30日)、「凱薩娜在越南造成23人死」(9月29日)、「凱薩娜襲菲已造成100死32失蹤」(9月28日)……
 


(轉載自《AP Images》網頁)

 
我哋雖然出唔到力,但係都可以出到些少錢嘅。有天主教嘅團體,已經發起一啲募捐嘅行動,希望可以盡快籌到啲錢,幫助有需要嘅兄弟姊妹。
 
以下係其中正委嘅訊息:
 

正委(香港天主教正義和平委員會)訊息撮要

 

菲律賓日前受到颱風的侵襲,傷亡慘重,而首都馬尼拉和附近幾個城市均被宣佈成為災區。雖然媒體並沒有作詳細報導,但我們相信,那些居住於垃圾山的貧民,靠執拾垃圾的小朋友,生活將會更加困難。最新消息指出,至少有六千個居住於垃圾山的家庭受到影響。

我們無法想像在颱風和暴雨過後,垃圾山的情況會變得如何的更不堪。因此希望透過這小小的呼籲,為這些家庭和孩子,施予援助。
……

此時此刻,你願當菲律賓貧窮兄弟姊妹的「撒瑪黎雅人」嗎?

……

請將捐款交到「香港天主教正義和平委員會」(郵寄地址:香港西灣河大石街一號,李宏基牧民中心,三零二室。支票抬頭:香港天主教正義和平委員會)或存款至正委於匯豐銀行戶口:082-013533-001(存款後請以電話(2560 3865)或電郵 hkjp@hkjp.org 通知我們),我們會直接把錢交到協助都市貧窮戶的組織 KADAMAY 的手上。我們目前雖然沒有收到他們的捐款要求,但亦讓我們主動為他們獻上愛心與關懷,與他們共渡難關。


 
除咗捐錢,唔好唔記得我哋為佢哋祈禱,都係好緊要架。


閱讀詳細內容...

-




9/22/2009 [::眼看四方::]


大自然媽媽的哭泣


唔知大家知唔知今日係「國際無車日」(9月22日),連特首都行路去聖堂同返工,其實係想提醒大家,要協助減少溫室氣體排放,緩減全球暖化嘅速度。
 
咁啱今日,喺網上睇到一幅關於環保,而且都幾「驚嚇」嘅冰川倒塌相片,嗰幅相片係由一位環境學講師 Michael 影到嘅。Michael 係喺挪威近北極嘅 Austfonna 冰蓋 (ice-cap/ice-shelf) 考察,發現冰川崩塌嘅時候,顯現咗一個好似喊緊嘅樣,呢個樣被《每日郵報》稱為「大自然媽媽的哭泣」(Tears of Mother Nature)。


(轉載自《每日郵報》網頁)

呢個冰川梗係冇因為 Michael 影呢幅相而停止崩塌啦,而呢個「大自然媽媽的哭泣」最後都淚流成河,完全崩塌入大海。

有研究話,全球變暖已經逆轉咗北極嘅自然冷卻趨勢,而且北極地區家吓嘅溫度,係近2000年以嚟最高嘅水準。

咁我哋作為教友,除咗參與吓「無車日」呢啲活動、留意吓啲有關環保嘅新聞、做吓啲環保措施之外,仲有乜嘢可以做呢?

有一樣嘢,我哋一定可以做嘅,就係祈禱、守齋!

喺8月15日(聖母升天節)開始,香港信仰探討中心嘅「天主教綠識傳人」發起咗一個祈禱運動,係為12月7 - 18日喺丹麥首都哥本哈根舉行嘅「氣候變遷國際會議」而祈禱。喺個祈禱運動嘅禱文當中,提醒我哋教友要醒覺,去感謝、欣賞、愛護同尊重天主嘅創造,並且向天主、人同大地道歉,承認自己破壞大自然,祈願每個國家同人都願意出力,負起責任,減低排放溫室氣體。

大家除咗祈禱之外,同時可以考慮每個星期五守齋,包括食素、唔飲酒或者汽水。信仰探討中心主任鄭生來神父仲話:「食素守齋對身體有益又環保。」

除咗祈禱、守齋之外,佢哋仲喺10月11日,攪咗個千人「宗教與環保」綠識論壇添。不如大家一齊去聽吓睇吓,宗教同環保有幾密切嘅關係啦。


閱讀詳細內容...

-




9/14/2009 [::由靈開始::]


去完體驗之後,覺得天主嘅愛多咗

八月初,有一班朋友同甘神父,去咗非洲做體驗。

佢哋返嚟之後,噚日做咗個分享會,佢哋除咗講吓一啲見聞同埋感受之外,都有分享吓佢哋去完呢個非洲體驗團之後,對於佢哋信仰上嘅增長。
 
有個朋友之前已經去過一次非洲,係甘神父喺非洲傳教嘅時候去探過佢。佢講返今次同上次嘅分別,其中一個分別係上次去嘅時候準備好多嘢俾自己,例如:防蚊嘅嘢啦、防晒嘅嘢啦、好多唔同嘅衫褲鞋襪……但係今次再去嘅時候,就多啲準備啲嘢俾嗰啲會喺非洲見到嘅朋友。上次準備好多嘢俾自己,今次就將個focus擺咗喺人哋身上。
 
佢又講到去完體驗之後,覺得天主嘅愛多咗。但係佢補充,唔係天主嘅愛噚日少啲,今日去完體驗之後就多咗,而係佢嘅心開放咗、感覺敏銳咗,所以感到天主嘅愛多咗。天主嘅愛從來都無變到!
 
我聽完佢咁講,感覺好感動!覺得好正!
 
其實,去一啲唔同嘅地方做體驗,或者去做避靜、退省,只係令我哋自己嘅心開放啲、感覺敏銳啲啫。事實上,天主日日都係咁愛我哋,只係我哋感唔感覺到佢愛我哋啫!所以,我哋都可以培養吓自己嘅心同感覺,點樣喺平時都去感受吓天主嘅愛。
-




下一頁,第1,2,3

Powered by Misslog | Design by Kymberlie McGuire


返回頁頂


.: 歡迎!


欄目分類
.: 所有文章
.: 由靈開始
.: 感動一方
.: 眼看四方
.: 耳聽八方
.: 未歸類


最新文章
.: 改邪歸正
.: 點點滴滴的不完美凝聚成....
.: 生命的訊息
.: 你願當菲律賓貧窮兄弟姊....
.: 大自然媽媽的哭泣


最新回覆
.: 大口哥哥 :   &n.. -- Cece
.: Happy Anniversary! Tha.. -- siuwan
.: Fr. Peter Malone(馬龍.. -- bigmouth
.: 大口哥哥, nice to meet.. -- Cece
.: 係啊~絕對認同!!唔係人.. -- molly
.: 凡事感恩!yeah!!!! &n.. -- bigmouth
.: 我的幸福是由天主所賜予.. -- molly


站內鏈接
.: SuperSunFull
.: 夢.遊人生
.: 眼仔LookLook全球化
.: 青委
.: 大眼眼大大
.: 神樂版
.: SuKit
.: 愛愛愛
.: 細蚊仔說故事
.: 每日根新
.: 蔡家B
.: 雷婆
.: 夜神.嘻哈
.: 口大食四方
.: 劉言版
.: “書” is my Best friend
.: 音樂光子