夜神.嘻哈

4/1/2009

上主嘅安排

有一日上堂講咩係上主嘅安排,

於是神父就講左多俾亞嘅故事

故事既傳奇又動人,

你有冇聽過呢?

 

 

多俾亞嘅父親多彼特係一個好好嘅人

當時猶太人被人充軍,被人欺負,

俾官兵殺,棄屍街頭,政府以此告誡人民要聽話。

多彼特睇見咁樣,覺得唔係幾好,於是就偷偷地將佢地拎去埋葬。

點知佢好事多為,被人懲罰,仲攞埋佢d錢,而佢自己對眼又盲左。

好彩佢有個好老婆,出去做野養家,

多彼特見到咁,心中當然不是味兒,自己堂堂男人大丈夫,要老婆養。

佢記起有個遠房親戚借過佢錢,於是就打算叫個仔去攞番,

點知個老婆仲埋怨佢咁話:

「我地只係得佢一個仔,如果萬一有咩事,咁點算呢?」

點知又俾佢搵到個親戚叫阿匝黎雅陪佢個仔多俾亞一齊去。

(原來呢個親戚係上主派來的天使 - 辣法耳)

 

一路上,佢地都遇到唔同的事,又驚險,又傳奇,

佢地一路上仲帶左一隻小狗上路,最後小狗又平安無事。^^ (所以聖經上都有提及寵物嘅,不過有講狗又冇講貓)

 

回程的路上,多俾亞遇上一個少女叫Sarah

佢嘅遭遇都好慘,佢每次結婚,佢老公都會當晚死左,

所以佢已經結左7次婚。

於是,辣法耳就叫多俾亞娶Sarah,同佢講:

「你地有親戚關係,宜家係你去娶佢了!」(跟據當時的習俗)

多俾亞就答:「下?你咁都介紹俾我?」

辣法耳就同佢講:「多俾亞,你唔駛驚!因為你做緊正直嘅事,

天主認為啱嘅事。因為你係佢既親戚,你去保護佢,愛護佢。」

多俾亞於是就答:「好!為義為情,我上!」

 

結婚當晚,Sarah嘅爸爸都將之前Sarah結婚的事老實同多俾亞講,

而果晚大家都食得特別好!(因為係得番果餐啦 ~)

晚上Sarah嘅爸爸就去左後院掘定個洞,

希望天光前,如果又再發生事,佢就立即將佢埋左,

唔想俾人睇到,唔想有人話有第8個人死左。

半夜嘅時候,多俾亞就叫醒Sarah,一起祈禱。(而當中的禱詞就係今日係婚禮中常用的一段聖經,當中講出婚姻的目的。雖然多俾亞同Sarah並沒有燦爛動人的故事,但當中肯定有愛。祈禱中,佢地祈求天主能係佢地當中,讓佢地同偕白首,佢地要開始了,亦要感謝。)

 

邪魔黎啦!但係多俾亞並冇死到究竟點解呢?

點解d邪魔唔再番黎呢?

多俾亞同Sarah又係唔係可以白頭到老呢?

 

故事嘅發展就等你自己慢慢去睇「多俾亞傳」啦!

 

~~~~~~~~~~~~~~~~~~~~~~~~~~~~~~~~~~~~~~~~~~~~~ 

 

雖然多彼特同多俾亞都遇到苦難,

但天主如何係佢地當中承擔,

因為上主的安排,讓佢地嘅苦,難都成為更好!

上主的安排其實就係天主同人嘅關係,

受苦愈多,更應向上主求救,

因為天主照顧受苦嘅人。

 

 

-

3/23/2009

同學

好多時,我都被問及同一個問題:夜神有咩同學架?
 
的確,我班同學來自五湖四海
 
廿五人中
 
當然有男,亦有女
 
有畢業冇耐,亦有過緊退休生活
 
有住香港仔,亦有住東涌住長洲
 
有做牧民工作,亦有做投資顧問
 
有人勤力抄notes,亦人有食野合眼訓
 
有人留心聽講,亦有人時時發問
 
問得多,當然會讓人留意
 
想知佢地係邊個,
 
其實一早已經俾人擺左上......
 
.....
 
......
 
公教報啦!
(及後幾期都有... 信中所有的朋友仔都係...
我的同學!) ^^
 
-

3/17/2009

夜神 - 邊位?

我想大家都聽過不同的「神」,隨時都想到幾個:
 
歌神 - 天神 - 車臣 - 拜神 - 早晨 - EASON ‥‥‥^^
 
「夜神」究竟係邊位?
 
其實它只是個縮寫,指「學」
 
但,這只是個「稱呼」,正規地說,是差了一點。
 
我們上堂的時間由晚上七時開始,所以「夜間」,不錯!
 
課程中有屬於神學的科目,所以「神學」,都不錯!
 
奇怪在,當我們畢業時(如果順利的話),
 
我們是「宗教學」的畢業同學。
 
 
所以,為支持我成為其中一份子,我的好友送了我以下的別具創作!
 
游小允讀宗教學
白天等到夜晚學
離開葵芳金鐘落
哲學神學齊齊學
隔離同學真好學
食飽先好去上學
俾心機跟主教學
不會偷懶及退學
讀足四年大收穫
識得我咪你大獲!!!
 
 
 
 
 
 
 
 
 
 
-
上一頁,第1,2,3,4頁

返回頁頂

Powered by Misslog 1.2
Design by BlueYr