默認 简体 繁體

6/29/2009

講故事

講個故事俾大家聽。故事嘅主人翁係一個小朋友,我哋循例叫佢小明。小明好想有一部單車,佢問佢媽媽,媽媽話如果你想要就祈禱求天主俾你喇!小明真係去祈禱,祈完禱之後佢寫一封信俾天主:「親愛嘅天主:我想要一部單車,我求你送一部單車俾我。」下款寫「愛你嘅小明」。佢寫完封信之後再睇睇,覺得封信寫得唔係幾好,佢撕咗佢再寫過:「親愛嘅天主:我想要一部單車,我求你送一部單車俾我。雖然我唔係好乖,但係我會改嘅喇!」下款寫「愛你嘅小明」。寫完之後佢又睇睇,覺得都唔係幾好,好似呃天主咁,因為佢知道嗰啲唔乖嘅嘢佢都唔會改嘅嘞!佢又將封信撕咗佢再寫過。

 

佢想認真啲,佢入聖堂再祈禱先。佢入到聖堂,跪喺度望住十字架上嘅耶穌。跟住佢見到十字架下面有一個唔係好大嘅聖母像,佢見聖堂裏面無其他人,就用件風褸包住個聖母像,拎咗佢返屋企!返到屋企佢再寫信俾天主:「天主!我想要部單車,我想你送俾我。你阿媽依家喺我手上,你知點做㗎喇!」下款寫「你知我係邊個㗎喇」。

BigEyes   5:20:17 PM 
本文引用通告(trackback)URL:

7/2/2009

做父母有時都幾嘔血,唔知天父有無比我地激到嘔血呢?!
webyuen   Email  Web  16:29