夜神.嘻哈
5/21/2009
我個名有咩特別?

聖道明 沙維豪 Domenico Savio一個好靚既名字

正如聖道明佢自己講,既然呢個係我個名,

我更加要努力,用盡我的一生的力量,去活出呢一切。

佢個名有咩特別意思?我暫且唔講住,哈哈!

 

好多時,我地都覺得聖人既事蹟離我地好遠,

佢都死左咁鬼耐,時移世易,我地仲有咩可以學?

而且佢食鹽,多過我食米,人生閱歷多,又見過世面,

佢梗係做到啦!

 

不如,我地睇下佢既故事再講。

 

有一個好熱的下午,有幾個同學約埋道明一齊去河中游水,

因為地勢的問題,附近的河流,河水又深又急,

好容易發生意外,而且係佢地果個時代,去河邊游水屬於傷風敗德既事。

道明唯有用盡方法叫佢地唔好去,但係d同學就係唔聽。

道明就同佢地講:「果度好危險架,隨時會冇命!

而且神父都再三吩咐我地唔好去果度,你地仲話要去?」

同學就講:「咁宜家就係好熱ma唔通你唔怕熱咩?

道明答佢:「宜家既熱你地都忍唔到,

唔通你又可以受得住係地獄永遠既火咩?」

同學聽到之後,當然回心轉意,跟道明走。

 

佢地梗係走啦,俾我都走啦!=P
雖然道明此舉好似有d恐嚇成份,但係正正佢講既都係事實。

我地又有冇呢份勇氣,有冇呢份醒覺呢?

 

又有一次,道明獨自回家,因為路途遙遠,

佢行到天都就黎黑,都仲行緊,

係路上,佢撞到一個人,果個人問佢:「小朋友,你一個人唔怕咩?」

你知唔知道明,一個十一、二歲既男仔,佢會點答呢?

道明答佢:「我唔驚!我都唔係一個人行。」

聽完,到個途人仲驚!唔係ma,心諗呢度仲有人咩?

道明再答佢:「因為護守天使時時都同我一齊!

 

我地仲記唔記得,我地每個人身邊都有一個護守天使相伴左右嗎?

我地又係唔係對天主時時滿懷信心呢?

 

聖道明既一生仲有好多好多感人、超凡、驚險既故事,

同我地的生活正正相似。

要記得,聖道明死既時候,不過係十五歲,

雖然時間短暫,但係佢卻係有限既時間,

樂中事主!修德成聖!

 

就正如佢既名字一樣

Domenico – 解:屬於天主的

Savio – 解:智慧

 

 

係時候諗下我地個名,或者,

天主早已係我地個名上埋下佢對我地的安排,

想知道要點做先得?

聖道明 沙維豪俾你一個超過100分既示範。

 

常懷喜樂!善盡本份!關懷同伴!立志成聖!

siuwan   5:33:09 PM 
本文引用通告(trackback)URL:

5/21/2009
Dominic Savio 好犀利呀!!! ^0^ pray for us!!!!!!!!!!
多謝你讓我了解多o的,呢位咁特別又偉大的聖人!!!
.
TT
mariating   Email  Web  19:35

大力推介 - 《聖道明 沙維豪傳》易睇!好睇!^^
siuwan   Email  Web  23:18

5/22/2009

講起多明我(道明),諗起以前聽過一個關於佢嘅故仔:

 

話說多明我十二歲嗰年,離開屋企,去咗鮑思高神父所創辦嘅學校讀書,佢一心立志要做聖人。

 

有一日,佢去聖堂祈禱嘅時候,就決定唔再同啲同學玩,之後佢就開始「黑面」同埋「扮cool」。

 

鮑思高神父見到多明我咁嘅樣,就問佢︰「你點解成日唔開心咁嘅樣呀?又唔同啲同學玩?」多明我就話︰「我想做聖人!」

 

鮑思高神父就好讚賞多明我呢個「做聖人」嘅決定,不過,佢亦都話俾多明我知︰

 

「聖人係快樂嘅,因為愛天主係快樂嘅。所以,若果當人哋同你相處嘅時候,感受到喜樂,你就係天主的聖人嘞!」

 

由嗰日起,多明我就快樂咁同啲同學們一齊。喺學校嗰幾年裏面,佢識咗好多好好嘅朋友,佢嘅同學同老師都好鍾意佢。

 

所以我哋都要令身邊嘅人感受到喜樂,咁就邁向成聖嘞!

bigmouth   Email  Web  14:08

 

返回頁頂

Powered by Misslog 1.2
Design by BlueYr